Násteboagán

dreamstimemedium 13474716Dološ lullisámi máinnas mii muitala manin sápmelaččat atnigohte násttiid boahkánis:

Mársváris lei stuora noaidi man namma lei Nakkuorgornj. Su mielas dárbbašedje noaiddit muhtinlágan mearkka vai olbmot oidne ahte sii leat noaiddit. Noaiddit oidne ja dárbbašedje máhttit eambbo go dábálaš olbmot. Muhtun eahkeda, dahje ija, de gullagođii son go muhtun čuorvvui sutnje: – Boađe olggos ja geahčas albmái! 

Nakkuorgornj guokkardii olggos ja geahčastii albmái. Almmis ii oidnon balvage. Lei áibbas jalahas jaskes dálveidja. Dušše násttit šearrájedje guhkkin almmis. Son geahčai ja de gullogođii jietna fas dadjame:
– Dan maid dál oainnát almmis, dat galgá šaddat du mearkan. Du sohkagoddi galgá guoddit dán mearkka iežaset boahkánis. Muhtun násttit leat ráhkaduvvon silbbas ja muhtumat fas messegis.

Nu lea sámiid gaskkas vel odnege.

Lundmark, Bo: Bæi´vi Mánno Nástit, 1982